@mm123
لكل طلاب #تاتلة_ثانوي و #بكالوريا
تصدّق إن الوقت اللي ضيّعته من أول السنة لحد دلوقتي، ممكن يبقى مصدر فخرك في المستقبل؟
لأ، أنا مش بخرف.. دي حقيقة فعلًا!
لو كنا بننجح من أول مرة، ما كناش هنتعلم، ولا نتطور، ولا نسعى أكتر ونحاول بشكل أحسن.
القاعدة بسيطة: الفشل اللي بتتعلم منه = نجاح .
يعني الوقعة اللي إنت واقعها دلوقتي المفروض تحفّزك مش تحزنك.
الوقعة دي هي اللي هتخليك تقوم وتجرب طرق مذاكرة كتير مختلفة لحد ما تقدر تقوم صح، وده اللي هيديك طاقة تعوّض بيها كل اللي فاتك من دروس وتراكمات.
هتنجح.. وأنا بقولك بثقة، بس بشرط:
• كمّل سعي وما تقفش مكانك.
• اتعلّم من أخطائك، وبلاش تنشّف دماغك لو في طريقة مش جايبة نتيجة.
• اصبر وعافر؛ الطريق اللي بيتسد في الأول، مع الاستمرار والصبر هيجي، وهتبقى أحسن من ١٠٠ واحد بادي من أول السنة.
بنتوكل على الله مش على حد، وبنستمر مهما كانت العواقب.. وفي الآخر بنوصل ونفتخر بكل اللي عدّينا بيه 🖤
قوم من الكسل الي انت فية دة.. فرصتك لسه في إيدك، ابدأ من دلوقتي! 🚀
انا محمود محمد فتحي